ខ្សែប្រយុទ្ធសញ្ជាតិប្រេសុីល Neymar Jr បានអះអាងថាពេលនេះ ខ្លួនកំពុងឡើងជើងពេញសមត្ថភាពល្អណាស់ ចាប់តាំងពីបានផ្លាស់មកលេងនៅក្រុម PSG ៣ឆ្នាំមកនេះ។កីឡាករប្រេស៊ីលខាងលើ បានផ្លាស់មកលេងនៅបារាំង៣ឆ្នាំមកហើយ ដោយក្នុងនោះរួបគេឈ្នះពានរង្វាន់សរុប៩រួចមកហើយ។ បច្ចុប្បន្នកំពុងបន្ដហ្វឹកហាត់បន្ថែមទៀត ដើម្បីសម្រេចបំណងឈ្នះ UEFA Champions League ។ កីឡាករមានតម្លៃខ្លួនខ្ពស់បំផុតលើលោកនេះ មានគោលដៅជួយក្រុម PSG ឈ្នះ UCL និងខ្លួនឯងត្រូវឈ្នះ Ballon d'Or នៅឆ្នាំណាមួយក្នុងអាជីព។
អតីតកីឡាករក្លឹបអ្នកមានបុណ្យ Barcelona រូបនេះបាននិយាយបែបនេះថា៖ “អំឡុងពេល៣ឆ្នាំមកនេះ ខ្ញុំទទួលបានបទពិសោធជាច្រើន។ ខ្ញុំបានរស់នៅឆ្លងកាត់រឿងសប្បាយ និងពិបាក ជាពិសេសពេលរងរបួសដែលធ្វើឱ្យមិនបានលេងបាល់ទាត់តែម្ដង។ ជាមួយការជួយពីសំណាក់មិត្តរួមក្រុមនិងក្លឹប ខ្ញុំក៏អាចត្រលប់មកវិញបាន ជាមួយទំនុកចិត្តលើសដើម។ ពេលនេះ ខ្ញុំកំពុងមានទម្រង់លេងល្អបំផុតហើយ”៕
0 Comments