មានដំណឹងមួយចំនួនបានឲ្យដឹងថា ខ្សែប្រយុទ្ធព័រទុយហ្គាល់កីឡាករ Cristiano Ronaldo មានបំណងចាកចេញពីក្លឹបអ៊ីតាលី Juventus ទៅលេងនៅក្លឹបបារាំង Paris Saint-Germain នេះបើតាមការចុះផ្សាយរបស់សារព័ត៌មានបារាំង France Football
សារព័ត៌មានបារាំងមួយនេះបានចុះផ្សាយថា កីឡាកររូបនេះព្យាយាមរិះរកមធ្យោបាយក្នុងការផ្ទេរចេញពី Juventus ទៅលេងនៅបារាំងតាំងពីមុនជំងឺកូវីដ-១៩ រាតត្បាតទ្វីបអឺរ៉ុបមកម្ល៉េះ។
យ៉ាងណាមិញ ដោយសារតែមានការអាក់ខានក្នុងការធ្វើដំណើរ ក៏ដូចជាការផ្អាកប្រកួតបាល់ទាត់ ដំណើរការផ្ទេរទៅកាន់ PSG កាន់តែស្ដួចស្ដើងទៅ France Football បានបន្តទៀតថា Ronaldo មិនសូវសប្បាយចិត្តនៅអ៊ីតាលី ហើយចង់ទៅលេងនៅ PSG ដើម្បីជុំជើងគ្នាជាមួយ ខ្សែប្រយុទ្ធបារាំង Kylian Mbappe និងខ្សែប្រយុទ្ធប្រេស៊ីល Neymar៕
0 Comments