ខ្សែបម្រើប្រយុទ្ធសញ្ជាតិវែល Gareth Bale មិនត្រូវបានដាក់ក្នុងបញ្ជីកីឡាករទាំង ២៤នាក់របស់ក្រុមស្តេចស ដើម្បីលេង
ក្នុងវគ្គ ១៦ក្រុមចុងក្រោយនៃពានរង្វាន់ Champions League ជាមួយនិងក្រុមខ្លាំនៅអង់គ្លេស Man City ទេ ។
Man City បានយកឈ្នះ ២-១ កាលពីជើងទីមួយក្នុងទឹកដីប្រទេសអេស្ប៉ាញក្នុងខែកុម្ភៈ មុនពេលវីរុសកូរ៉ូណារាតត្បាត ធ្វើឲ្យកម្មវិធីប្រកួតត្រូវផ្អាកអស់រយៈពេល៥ខែ។ Bale វ័យ៣១ឆ្នាំបានលេងតែ២ប្រកួតគត់ ជាមួយនឹងការចាប់ផ្ដើមជាជម្រើសដំបូងម្ដង ក្នុង១១ប្រកួតរបស់ Real ចាប់តាំងពីបាល់ទាត់អេស្ប៉ាញត្រឡប់វិញកាលពីខែមិថុនា។
សម្រាប់ជំនួបរបស់ City និង Madrid ក្រុមណាឈ្នះនឹងឡើងទៅជួប Lyon ឬ Juventus វគ្គ៨ក្រុមចុងក្រោយ។ ចំពោះការប្រកួតទាំងអស់នៅ Champions League ចាប់ពីវគ្គ៨ក្រុមឡើងទៅនឹងត្រូវលេងនៅប្រទេសព័រទុយហ្គាល់ ហើយវគ្គផ្ដាច់ព្រ័ត្រលេងនៅថ្ងៃទី ២៣ ខែ សីហា៕
អត្ថបទ៖ MAY
0 Comments